رامين بالبيض لذيذ وسهل جداا وطعم ولا اروع + ـ +
اهلا...اهلا
اليوم جايبه لكم وصفة لذيذة في كل مره اذا كنت جوعانة اسويها سريعة وتشبع.
المقادير:
١- رامين أو اندومي اذا ما توفر لكم،هذا الرامين اللي استخدمته.
٢- جزر
٣- بقدونس
٤- بازيلا مجمدة
٥- فطر معلب
٦- بيضة
٧- صويا حلوة
٨- صويا مالحة
٩- ببريكا
١٠- ملح وفلفل حسب الرغبة
الطريقة:
نقلب الفطر والبازيلا شوي على النار لمدة دقيقتين مع بهارات الرامين ونضيف الصويا الحلوة والمالحة <ممكن نكتفي بالحلوة فقط.
نضيف عليها المويا ورشة ببريكا بسيييطة جدا، نحط الرامن عليه ونخلي المويا تغطيه.
في هذي الاثناء نقطع البقدونس، والجزر على شكل ورودة تعطي جمال لمنظر الطبق .
(هذي الصورة من النت نسيت اصوره بعد ما قطعته بس نفس الشكل تقريبا)*
هذي ورداتي
اذا نضج الرامين تقريبا نضيف الجزر والبقدونس ونغطيه
البيض ممكن نسويه بكذا طريقة:
١- نفس اللي سويته، استخدمت قوالب الكب كيك السيليكون،حطيتها في صينية فيها مويا حارة وحطيت القوالب وصبيت البيضة كان الصفار غير متماسك خربته وصار مخلوط شوي من دون قصد<< وكانت النتيجة مثل ما في الصورة
خليته لين ينضج تماما وبعدين طلعته وقطعته شرائح و قدمته.
٢- ممكن نستخدم بيض مسلوق عادي ونقطعه حلقات أو على شكل قلب مثل مافي الصورة:
(شفتها بالنت)
٣- ممكن نسوي لفائف البيض بس مجرد بيض وملح الطريقة مثل مافي الفيديو:
(تنبيه: المقطع فيه موسيقى الرجاء كتم الصوت)
بعدين اقطعه حلقات
الشكل النهائي:
اختاروا أي طريقة تعجبكم واضيفوها إلى الرامين
بالعافية عليكم مقدما وأي اقتراح اكتبوه تحت :)
